Citation de Linha Imaginòt le 6 octobre 2025, 20h09

P6 / J’Y ÉTAIS

Gardarem L’estivada par Romain Brunel #4

:: Discussions sur le Forum ::

Una Estivada que rima ambé capitada

Aqueste estiu se teniá a Sebasac (Avairon) la segonda edicion de la novèla Estivada, renomenada «Nov’Estivada» per l’an passat, e que retrobèt doncas ongan son nom cort e sa mesolha tota, e coma se fau !

Se pòt pas faire un retrach de çò que s’i passèt sensa passar per un pauc d’istòria, per ben comprendre leis enjòcs qu’i èran estacats, e l’importància qu’aqueu eveniment presentava per lo moviment occitan.
Per amòr que l’Estivada, aquò’s pas quin festenau occitan que siá… Foguèt, istoricament ja, lo premièr d’aquelei grands rendètz-vos annadièrs e pendent longtemps lo mai estructurat e estructurant, lo mai esperat e escrutat. Creat en 1995, prenguèt lèu una plaça particulara dins l’orizon culturau d’òc. Quitament se se debanava cada an a Rodès, aviá una dimension «inter-regionala» assumida, tant per son finançament que per sa capacitat de representar la diversitat de la cultura nòstra. Èra lo moment que permetiá a tot un fum de monde de se retrobar, d’escambiar, ambé segurament la programacion musicala la mai ambiciosa, un ensem de rescontres e d’animacions, un vilatge que recampava d’associacions e d’actors representant tot lo territòri, un public numerós e fisèl.

…

[restrict_content]

O tot aquò au mens entrò a la fin deis annadas 2010, onte la represa dau festenau en regia municipala, après d’annadas d’organizacion (bona) per una branca de l’associacion «Org e Com», vegèt l’Estivada declinar pauc a pauc e vegetar per manca d’interés vertadièr de la comuna de Rodès per çò qu’èra pasmens vengut d’edicion en edicion una mèna de patrimòni comun. Lo cònse Christian Teyssèdre acabèt la bèstia ferida en 2023 en tot la remplaçar per una «Festivada» sensa gès mai de coloracion occitana, mai d’artistas «grand-public» coma se’n tròba dins toei leis autrei festivals de França, aquò qu’èra per eu mai adaptat a faire venir un public «jove» e de toristas potenciaus. S’aquò se pòt entendre, Monsieur le Maire aviá tuat l’Estivada sensa demandar l’avís de degun.

La suite sur le journal papier de la Linha Imaginòt

[/restrict_content]

_{La suite de l’article est réservé aux abonnées 🗞️ … Abonnements}

---