LINHA IMAGINÒT

P26-27 / ANALYSE

Juli Cubaynes, païsan prèire e poèta par Serge Labatut #5

« Cal que lo traductor conesca e emplegue la lenga comuna, la lenga parlada e n’angue pas quèrre per son servici un vocabulari arcaïc, ni que ne fargue un de son sicap. »

Silvan Tolze definissiá Juli Cubaynes coma païsan, prèire e poèta. Cal ben dire qu’aquela definicion es plan justa mas cal far atencion a çò que se bota darrèr aquelas tres paraulas. Que se i a tot aquò dins l’òbra de Cubaynes, es al mai naut nivèl de sinceritat. Es çò que ne fa un grand poèta occitan, un grand poèta tot cort.

Cubaynes nasquèt en Carcin, lo 5 d’octobre 1894 al Cluzòl parròquia de Sant Alari, communa de Lalbenca dins una familha de pagès. Cubaynes creissèt dins un airal tot pastat de lenga occitana. Lo rector apreniá la doctrina dins son parlar mairal, lo de Godon, prèp de Labastida-Murat que Cubainas trobava «un pauc pesuc e revolut». A 12 ans entra al pichon seminari de Gordon e acaba sa filosofia lo 18 de Julh de 1914. Dins aquelas annadas escriguèt fòrça vèrses franceses mas per cap d’an 1914 tomba sus un Almanac Carcinòl bailejat per Antonin Perbòsc. Es una revelacion, Cubainas lo raconta atal : «E ieu qu’aviai dusca ara tan rimat al biais de la poèsia classica, e, subretot romantica, en i mesclant un pessuc de poèsia al biais del jorn, vési que tot çò qu’aviai atal fargat e apariat n’èra que flors artificialas, en comparason d’aquel tautèl de flors viventas, trobadas dins mon libròt de dos sòus». Escriu a Perbòsc e aquela correspondéncia durarà d’annadas. Cubainas partiguèt a la guèrra e començèt de revirar L’Evangèli de Sant Joan. Mandava tanben de poèmas a Montalban. En 1918 es coronat pel primièr còp per l’Academia dels Jòcs Florals. Ne serà elegit mèstre en Jòcs Florals en 1932. Aprèp la guèrra èra tornat al Seminari de Còus. Foguèt ordenat prèire en junh de 1923. Es nomenat vicari a Cajarc, puèi rector de Grialon e enfin a Concòts en 1938. I demorarà fins a sa mòrt lo 9 de Junh de 1975. En 1945 deven felibre majoral amb la cigala de la libertat, aquela de Forès. Al meteis moment lo trapem membre del jove IEO.

La Linha Imaginòt réserve cet article à ses abonnés web. *